الله على سلمى
كانت تقول
" العشق هو عين الغباء "
وكانت تقول إن الهوى
" كان ... ومضى "
وبعيونها الرجال اذا يعشق
" كذوب "
والبنت اذا تعشق
" لعوب "
ومافيه شي اسمه
هوى ...
ولا غلا ...
ولا جروح ...
وكانت تقول إن الدموع
" دلع بنات "
وإن القهر ... وإن السهر
" كثرة فراغ "
بس البارحه من جد غير
تغيرة سلمى كثير
ضحكتها غير
وحتى سوالفها بعد
وخطواتها شوي قصرت
و وقفتها مالت حبتين
وحتى شفايفتها بعد ريحتها تشبه للزبيب
وذاك العطر الكارتير اللي تموت بريحته
احس صارت تكرهه
وتموت في شانيل وارماني وفي ايفوي
ودايم تضم شفاهها مع بعضهم
وتذوق طعم الروج
والتفاح
وتحب تبلع ريقها
واليوم مدري وش حصل ...؟!
فديتها
يومين مانمت
واشوف دمعتها حفرت في خدها
وسألتها
" سلمى ...
عشقتي ياغلاي ...؟! "
قالت لي
" إيه ...!! "
ياااااااااااااااااااااه
سوتها سلمى وعشقت
ونامت وضحكتها بقت بشفاهها
صورة حبيب
مثل القمر على الغدير
نامت وهي تسولف لنا
" عندي حبيب ...
والعشق بعيوني شرف ... وما فيه عيب
وانا عشقت ...
اثر الهوى فعلاً رهيب ...!! "
ونامت وهي تردد علينا كلمتين
" يُمه أحبه واعشقة
يُمه إذا يزعل اموت ... !! "
فديتها
كانت تقول
" العشق يانا اكرهه ... واضحك على اللي يعشقون
واحسهم حيل اغبياء
اثري غبية حيل ...!! "
واليوم اشوف ... سلمى عشقت ...
وادمى شفايفها الهوى
بسلسالها مكتوب
" ع "
ودايم تردد كلمتين
" يُمه احبه وأعشقه ...
يُمه إذا يزعل اموت ...!! "
وتقرأ شعر ... بديوان اسمه
" بس إنت"
ومعها رواية إسمها
" العشق بنت "
اثر الهوى من جد مايرحم احد...؟!
بالذات بقلوب البنات ...
يمكن لأن البنت ...
( اذا تعشق تموت وما تخون ...!! )
وإلا لأن البنت ...
( إذا حبت بكت...؟! )
ويمكن ع شان البنت ...
( عسووووولة كثير ...؟! )
وخدودها مثل الحرير
جايز ...!!
بس المهم سلمى عشقت
واليوم والبارح بكت
بس ماشكت
ولا حكت
كانت مجرد كلمتين
" يُمه احبه وأعشقه ...
يُمه إذا يزعل اموت ...!! "
الله كريم ...
يارب ترزقني الثبات ...
شف كيف يهوون البنات ...؟!!
واذا عشقوا
طاح المطر ... عقب المطر ...
وينبت زهر ... جنب الزهر ...
وانفاسهم صارت عطر ... الله على ذاك العطر
والله على سلمى تجنن يوم عشقت
ومن بعد ما كانت تقول ان الهواء " كذبة بنات "
وان الوفاء " كذبة رجال "
وان الغلا " عمره شهر "
وان الجفاء " عمره دهر "
وان " الهيام في قلبها ماله مجال "
شف وش حصل ...!!
اليوم قالتها لنا
وبصوت عالي وما استحت
" انا عشقت ...
انا عشقت ...
انا عشقت ...!! "
وفعلاً احس سلمى عشقت
وذابت بعد
تدرون ...؟!!
سلمى مثل باقي البنات ... إلا إذا صدق عشقت ...
إذا عشقت يمكن تموت
و احس سلمى بـ 1000 بنت
سلمى احاسيس وغلا
سلمى مشاعر مع حنان
سلمى وفاء
سلمى دلع ... سلمى دلال
سلمى الغنج ... والملح .... والزين الهبال
سلمى تموت ولا تخون
سلمى قصيدة من ذهب
بشفاهها نكهة عنب
وبعيونها كل العجب
وأول سوالفها الحياء
وآآآآآآآآآآآخر سوالفها الأدب
سلمى دموع ... ولسعة شموع
وضمة وله ... وكسرة ظلوع
فيها على عشقي ظمأ
ولو غبت عن سلمى تجوع
سوتها سلمى وعشقت
البارحة بس
تحياتي
لاف
السبت سبتمبر 06, 2008 6:59 pm
